करिब चार करोड साल पहिले हिमालय कय उत्पत्ति के दौरान नदी से निकला हुआ ढेर सारा पदार्थसब जमा होइ कय बना हुआ सबसे छोट पहाड ही चुरे श्रृंखला होइ । अउ वही पहाडका चुरे कहत हैँ । इहिका चुरिया भी कहा जात हय । पश्चिममा पाकिस्तान कय इन्डस नदी से लय कय पूरबमा भारत कय ब्रम्हपुत्र नदीतक फैला हुआ चुरिया श्रृंखला शिवालिक के नाम से भी पहिचाना जात है । नेपालमा पूरब इलाम से लय कय पश्चिम कञ्चनपुर तक ३६ ठौर जिल्लामा चुरे फैला हुआ हय । जिमा कुल भू–भाग कय १२.७५ प्रतिशत चुरे क्षेत्रमा पडत हय । जादातर जगहमा तराई कय भू–भाग खतम होइकय ऊपर उठा हुआ भू–भाग अउ महाभारत क्षेत्रकय भू–भाग से उतरत समय दिखैवाला अन्तिम पहाड के रुपमा चुरे पहाड पडत हय । खास करिकय ई पहाड अन्दर से मजबूत नहोइ कय कमजोर परतदार चट्टान से बना है । महाभारत से बहइ वाली नदीसब यही चुरे क्षेत्र होइकय तराई की ओर बहत हैँ । इहि वजह से प्राकृतिक रुपसे ई क्षेत्र बहुतै संवेदनशील माना जात है ।
